Cantigas tradicionais galegas

Nun casamento no que estiven en Segovia (o dos meus bos amigos Fernando e Mayre) xuntámonos un bo fato de galegos. O remata-la festa, enchéuno-la morriña e maila saudade, e dixemos, xa que logo, que iamos cantar algo en galego.

Escolleuse para a ocasión "Ondiñas veñen". O son sabiámolo todos, pero a letra ... ¡Vaia desfeita!.

Para non repetírmo-la vergoña no futuro, decidín facer unha pequena escolma dalgunhas cantigas tradicionais que aínda lembro da miña mocidade. Velaquí as resultas.

A Carolina
Catro vellos mariñeiros
Ondiñas veñen
Sementar

A Carolina

A Carolina é unha tola
que todo faino ó revés,
vestese pola cabeza,
e espese polos pes.

H - ¿ Bailaches Carolina ?
M - Bailei si señor
H - Dime con quen bailaches
M - Bailei co meu amor

M - Bailei co meu amor
M - Bailei co meu amor
H - ¿ Bailaches Carolina ?
M - Bailei si señor

A saia da Carolina
ten un lagarto pintado,
cando a Carolina baila
o lagarto dálle ó rabo

H - ¿ Bailaches Carolina ?
M - Bailei abofé
H - Dime con quen bailaches
M - Bailei co meu Xosé

M - Bailei co meu Xosé
M - Bailei co meu Xosé
H - ¿ Bailaches Carolina ?
M - Bailei abofé

O señor cura non baila
porque ten unha coroa,
baile señor cura baile
que Deus todo llo perdoa

H - ¿ Bailaches Carolina ?
M - Bailei si señor
H - Dime con quen bailaches
M - Bailei co meu amor

H - Co teu amor Carolina
H - non volvas a bailar
H - porque che levanta a saia
H - e é moi mala de baixar

Nota
H - Cántano so os homes
M - Cántano so as mulleres

Índice

Catro vellos mariñeiros

Catro vellos mariñeiros,
catro vellos mariñeiros,
todos metidos nun bote,
boga, boga mariñeiro
imos pra Viveiro
xa se ve San Roque,
boga, boga mariñeiro
imos pra Viveiro
xa se ve San Roque,

Coros
Ailalelo, ailalalelo,
ailalelo, ailalala.
(repetir 3 veces)

Os mariñeiros traballan,
os mariñeiros traballan,
de noite ca luz da lúa,
da gusto velos chegaren
pola mañá cedo
cheirando a frescura,
da gusto velos chegaren
pola mañá cedo
cheirando a frescura,

[Coros]

Traio sardiña e bocarte,
traio sardiña e bocarte,
tamén xurelo pequeno,
rapaciña de Viveiro
ven busca-lo lote
do teu mariñeiro,
rapaciña de Viveiro
ven busca-lo lote
do teu mariñeiro,

[Coros]

Índice

Ondiñas veñen

A Virxe de Guadalupe
cando vai pola ribeira.
A Virxe de Guadalupe
cando vai pola ribeira,
descalciña pola area
parece unha Rianxeira.
Descalciña pola area
parece unha Rianxeira.

Coros
Ondiñas veñen,
Ondiñas veñen,
Ondiñas veñen e van,
Non te vaias Rianxeira,
que te vas a marear.

A Virxe de Guadalupe
cando vai para Rianxo.
A Virxe de Guadalupe
cando vai para Rianxo,
a barquiña que a trouxo
era de pao de laranxo.
a barquiña que a trouxo
era de pao de laranxo.

[Coros]

Índice

Sementar

Coros
Sementare, sementarei,
logiño de clarear,
en tanto no pobo medre,
un meniño, un vello e un cantar

Un meniño rebuldeiro
que fale na lingua nai,
que suba ós pexegueiros
á froita verde roubar

[Coros]

Un vello que dea consellos
un rostro de fume e paz,
que conte contos ós nenos
do cuco e do paspallás

[Coros]

Un cantar de redención
un vello e novo cantar
que troque a desolación
nun limpo e claro alborear

[Coros]

Índice

Se sabes algunha cantiga ou tés algunha suxestión ou comentario non dubides en mandalo por correo electrónico a

jacobo@geocities.com

Voltar á páxina de Galicia. Voltar á páxina principal de Jacobo Riesco