Receitas da cociña tradicional galega

Aquí atoparás algunhas receitas sinxelas da cociña galega

1. Ameixas á mariñeira
2. Empanada de lamprea
3. Pescada á galega
4. Polbo á feira
5. Queimada

Ingredientes

• Catro ducias de ameixas
• Dous tomates
• Dous dentes de allo
• Oito febras de azafrán
• Un ramallete de perexil
• Un vaso de viño branco
• Aceite
• Sal e pementa

Preparación

Deixa-las ameixas en auga salgada, para cuspiren a area. Esmagar no morteiro os dentes de allo axunto do perexil, os tomates, sen pel nin sementes, e mailo azafrán torrado.
Quenta-lo aceite nunha pota de barro e refogar un pouco a picadela. Cocer con lume viva, e barrufar có viño. Engadi-lo sal e a pementa.
Escorre-las ameixas e engadilas á pota. Tapar e cociñar na lume forte, ata cinco minutos, deica abriren. Remexer de cando en vez.
Deixar repousar uns cinco minutos. Sérvese na mesma pota.

Ingredientes

Para a masa
• Medio quilo de fariña
• Trinta gramos de fermento
• Un decilitro de auga
• Cen gramos de manteiga de porco
• Sal
Para encher
• Dous quilos de lamprea
• Cuarto litro de aceite de oliva
• Un vaso de viño branco
• Un quilo de cebolas
• Unha clara de ovo para pinta-la masa
• Sal

Preparación

A masa
Nun cunco ponse a iauga morna, o fermento e o sal, e váiselle engadindo a modiño a fariña, ata obtermos unha masa moi traballada.
Deixar repousar ata dúas horas, nun lugar tépedo cubrindo cun pano.

O reencho
Parti-la lamprea en anacos e frixila en aceite quente enfariñada. Reservar.
No aceite sobrante frixi-la cebola co viño branco.
Cando estea todo feito, grama-la masa ca manteiga de porco e estendela co rolo.
Forrar unha fonte enfariñada, cunha capa de masa de medio centímetro de groso.
Cubrir ca cebola, e maila lamprea.
Co resto da masa, tápase facendo un burato no centro e poñendo un anaquiño de masa a xeito de rolla. Péchanse ben as abas e, píntase con auga o clara. Cócese no forno forte ata dourar (uns trinta minutos).

Ingredientes

• Pescada en toros
• Cebola
• Aceite de oliva
• Allo
• Pemento doce

Preparación

Coce-la pescada en auga fervente con sal e un pouco de cebola durante cinco minutos. Enxauga-la pescada e tira-la cebola. Reservar.
Pica-lo allo e frixilo no aceite ata case dourar. Engadi-lo pemento (dúas culleres) e remexer escudindo que queime. Tirar do lume e bota-lo frixido enriba da pescada.
Pódese servir axunto duns cachelos.

Ingredientes

• Un polbo conxelado de tres a catro quilos
• Aceite de oliva
• Pemento picante

Preparación

Se o polbo é fresco o mellor e conxelalo, após lavalo e limpalo, para non o ter que mazar. Desconxélase o polbo e ponse a cocer, nunha pota no que fique ben cuberto pola iauga, uns trinta minutos en lume viva.
Córtanse as patas en toros dun medio centímetro e póñense nun prato uns á beira dos outros. Engádese o sal, o pemento e mailo aceite.
Pódese sirver axunto duns cachelos cocidos na mesma auga co polbo (chámase entón polbo á galega).

Ingredientes

• Bagazo (1 litro)
• Un limón
• Tres grans de café
• Azucre

Preparación

Bota-lo augardente nun pote de queimada (de barro cocido). Engadir unhas cascas de limón, os grans de café e azucre ó gusto (unhas 6-8 culleres de sopa). Remexer ben ata mestura-lo azucre.
Nun cazo coller un pouco da augardente e despois de lle prender lume, levar a carón do pote ós poucos, prendendo toda a queimada.
Remexer de cando en vez, recitando o conxuro da queimada, agardando uns minutos de xeito que queime case todo o alcol (ata que ó suprar a modiño apague o lume)